宮崎駿。展

7。1本想同虎爸去遊行

但玉豆姐堅持要放假

唯有ADhoc諗個地方同野人去。。。

最後決定去我自己想去咗好耐嘅<<宮崎駿。展>>

野人只係識<<龍貓>>

所以一直猶豫帶唔帶野人去睇呢個展覽，怕會悶親佢地

猶豫咗個半月，遲遲未去

連我喺展覽撞到個朋友都驚訝我點解咁遲先去，哈哈!!!!

PUBLIC HOLIDAY去呢D地方都預咗好多人!!!!!

睇情況只係排隊入去都要一個鐘

所以我決定先落車單拖去排隊

一個人無無聊聊影下相，天空之城的天空之城

終於等到入去，會合野人，YEAH!!!!!

一樓全部影相位都喺手稿展館出面 (展館內嚴禁拍攝)

呢個<<千與千尋>>無面人，想當年虎爸都扮過佢

出賣虎爸，POST返2010年佢扮無面人張相。。。:P

FULL SET親子裝出動 :)

我家野人真係好喪，想叫佢地影張相唧

但佢地好似個身停唔到咁-__-

場內供應圓型STICKER仔

成幅牆俾你任貼自家畫公仔

我最欣賞呢個大隻佬VERSION無面人!!!!Wakakaka

其實一樓嘅手稿展館，好快行完

因為始終同野人一齊，佢地唔會咁好心機慢慢睇

落返去地下一層，又做排隊黨

同龍貓 & 波兒影相。。。

一排又排一個鐘。。。野人都排到呆咗。。。

排隊中途，我叫虎爸帶野人去一樓睇嗰個唔知有咩睇嘅"椅展"

諗住可以打發下排隊嘅時間

點知我覺得自己無乜點前進過，佢地已經睇完歸隊

大家自己衡量下要唔要每人俾多HK$10睇個"椅展"啦，呵呵呵呵

排咁耐隊，就係為咗同呢塊"龍貓地"影相。。。

大會有指引大家點影到BEST SHOT

但。。。我覺得唔多滿意

自家改良咗個POSE方法

大家又覺得邊個似D呢????嘻嘻

點影都好，最唔似一定係我地呢兩張全家幅

真係有點兒影得太多外圍唔需要影嘅嘢囉-___-

唯有自己EDIT一下。。。

最後影埋<<崖波>>

好開心喺呢張相見到GORGOR個小肚腩 :)

離開時，天都開始黑，展館都已關閉

又係時候帶兩隻嘢去開飯

佢地真係好鍾意食呢D肉串，同虎爸一樣!!!!!!

雖然全日都只係去左<<宮崎駿。展>>

但唔知點解都超級攰，可能同我做咗3、4個鐘排隊黨有關-__-