另外都預備咗兩個小孩「景點」同野人去玩
其中一個「景點」係位於新濠天地嘅童夢天地 (KIDS' CITY)
吃個富貴McD早餐先去玩
(GALAXY入面嘅McD好貴囉!!!!4個人食McD早餐食咗2百幾$$)
新濠天地有HARD ROCK HOTEL
所以有好多電影主題佈景
哥哥認真起上嚟都不忘"R"痕XD
去童夢天地玩前一晚。。。喺酒店發生咗段小插曲。。。
當時野人已經瞓咗，我同虎爸無無聊聊網遊之際
突然發現，原來入童夢天地玩
小朋友嘅DRESS CODE係「長衫長褲」!!!!(成人只需要有襪)
夏天熱到C，我點會無啦啦幫野人預備長衫長褲!!!!!!
咁點算?????
呢個時候，望望瞓喺身邊嘅野人。。。
靈機一觸，決定幫佢地睡衣上陣，哈哈哈哈
好彩同野人去酒店住，我慣咗幫佢地預備長袖睡衣套裝，嘻嘻
如果真係乜長衫長褲都冇嘅朋友仔
KIDS' CITY入口位置有得買
$100/衫，$100/褲，但個款樣樣衰衰(我覺得)
所以都係記住自己帶衫褲啦!!!!!:)
KIDS' CITY有大多數PLAYHOUSE都有嘅大型攀爬裝置
射波、波波池唔會少。。。
場內有個滑梯真係未見過。。。咁斜!!!!!!
SLOPE起碼80度!!!!!!!!要戴頭盔玩!!!!!!
我第一下見到都驚，心諗野人未必敢玩
點知哥哥自告奮勇，第一時間走去玩!!!!!!!
如果小朋友未夠大玩「大型攀爬」
場內有另一個位置，適合年紀較小嘅小朋友
旁邊定時仲有WORKSHOP玩，整下小手工
呢個位叫「繃繃跳」
之前睇其他BLOG友介紹，確實係個巨型BOUNCER
但我地去玩之時，變咗「玩沙區」
P.S.我地去玩完之後唔夠一個月，又變回BOUNCER-__-
場內仲有兩個地方。。。
一個係俾小朋友坐定定睇電視嘅位置
另一個俾小朋友玩變身
野人一向都唔鍾意玩呢D「裝身遊戲」
所以我都冇深究。。。
KIDS' CITY除咗FOR KIDS，大人都有少少嘢啱玩，嘻嘻
我地去玩嗰時，所有電子遊戲唔使另外收費 (唔知係咪長期都係咁!!哈哈)
呢度有水提供、洗手地方都好乾淨，唔錯唔錯
仲有PARTY ROOM
如果喺香港，都應該成為我物色野人生日會場地嘅其中一個選擇
玩完，又係補充體力嘅時候
呢間正正喺OKURA HOTEL LOBBY對出嘅台灣料理，唔錯!!!!
【補充資料】
KIDS' CITY入場費參考：
兩小時 - $150/ 1 ADULT + 1 KID
溫馨提示!!!!!(重要提示!!!!!!)
超時一分鐘都會額外收費︰$50/半小時
如果唔想額外俾錢，記住早少少提小朋友離開喇:P
沒有留言:
張貼留言