事緣溫習韓文嘅最後衝刺兩星期。。。
整個人去到顛峰(瘋癲)狀態，溫到成個人都好鬱悶
所以吩咐小虎幫我安排考完試第2日即刻要去爽下!!!!
而呆咗1/3個暑假嘅野人都因此而受惠，無啦啦有得去玩:P
睇得出我地嘅興奮心情嘛?????
我特別高興，考完試去玩真係喜上加喜!!!!!
雖然暑假，但係星期一出發，唔係太人來人往，感覺好好:)
建議兩隻嘢喺船上眠眠 (因為我好想瞓Zzzzz)
但佢地唔係傾偈，就係食嘢，個口都冇停過，點會瞓到?!?!?!?!
到了。。。到了。。。
目的地︰澳門銀河渡假區(MACAU GALAXY)
今年5月，MACAU GALAXY渡假區第二期開幕
令到整個渡假區除了原有嘅衝浪池玩之外
仲多咗條聲稱全球最長嘅急流滑梯!!!!
野人咁鍾意玩水，所以GALAXY係我地嘅不二之選!!!!
MACAU GALAXY渡假區有6間酒店
我地選擇咗大倉酒店(OKURA HOTEL)
因為。。。純粹崇尚和風，哈哈哈哈
其實仲有一個原因。。。
就係OKURA HOTEL同衝浪池係最近，啱唒野人!!!!
P.S.報個價俾十家知，作個參考:)
暑假閒日，3日2夜OKURA酒店，唔包船票、唔包早餐 - $29xx
床頭有隻紙鶴，幾和風，哈哈哈哈
玩水之前，當然要補充體力!!!!
去到澳門，虎爸都要食「翠華」，果然係茶餐廳FANS!!!!
其實我地醫好肚，CHECK好IN，換好衫都已經4點有多
講到明俾兩隻嘢知，再慢摩摩就日落西山下，冇得去衝浪
但兩隻嘢實在太興奮，要做小孩到酒店指定動作 – 跳床!!!!!!
正前往衝浪池，無意中路過一個玩Bubble Fun嘅地方!!!!
我同哥哥玩到傻咗!!!!!超好玩!!!!!!
哥哥投入到有好幾次差D成個人入唒D BUBBLE
要我拯救佢出嚟!!!!!!
雖然我同哥哥玩到咁高興，但弟弟一直企喺場外，唔願意玩-__-
既然得我同哥哥玩，所以都係閃人去衝浪池
野人後面就係OKURA HOTEL，堅近衝浪池!!!!
兩隻嘢果然係100%陽光小子!!!!
咁嘅天氣，乜都唔做，浮喺水面，真係好C服!!!!!
差唔多日落時份。。。
去JW MARRIOTT附近嘅GALAXY第二期玩玩
同野人一齊由衝浪池，慢行到第二期，大約10分鐘
野人極速地俾呢個兒童遊樂區(童樂島)吸咗去。。。
就快天黑，都開始凍凍地，所以留番第二日先玩激流。。。
今次Adhoc澳門遊，好幸運地喺咁短時間都約到朋友仔一家
DAY 2後JOIN我地去玩!!!!GOOOOOD!!!!!
DAY 2，玩激流。。。
激流其中一個出入口就係人造沙灘
呢個人造沙灘場，水唔深，好啱小朋友玩:)
BB版救生衣好正，有埋個「枕頭」位，好爽!!!!
DAY 2，野人ENCORE童樂島 + 衝浪池
3日2夜澳門遊嘅兩夜，我地都去咗「百老匯大街」吃晚飯
由OKURA HOTEL行去「百老匯大街」，大約10-15分鐘
第一晚，食咗喺台灣就冇食，喺澳門先食嘅「度小月」:P
唔知係咪閒日嘅關係，間間食肆都冇乜人等位。。。
「百老匯大街」有好多3D畫俾人影相
對於咁憎影相嘅野人都肯俾我影，實屬難得!!!!!
第一夜，甜品是「尋找他鄉的HAAGEN DAZS」
搵到就有得食，搵唔到就返酒店Zzzzz，哈哈哈哈
第二晚，兩家人去食「百老匯大街」的南翔饅頭店
其實「百老匯大街」大部份食肆室內面積都不是太大
所以呢大部份食肆都有戶外位置進餐
戶外位都好舒服，「大街」全晚有人唱LIVE，感覺唔錯
飯後又甜品。。。都喺「百老匯大街」
去咗間唔記得叫咩名，但SERVE我地個亞姐好好傾嘅糖水店，哈哈
個亞姐同呢兩位大叔特好傾，異性相吸!!!!:P
玩水篇後記︰
訂3日2夜酒店，就係知道野人特級鍾意玩水!!!!
諗住咁就唔使咁趕都玩到大約兩日水
點知兩隻嘢真係鍾意玩水得好緊要!!!!
DAY 3 CHECK OUT嘅早上
兩隻嘢超精神地食完舊蛋糕
虎爸就俾佢地捉咗去再再再玩水!!!!!!CRAZY!!!!!
所以如果你有鍾意玩水嘅小朋友
一定要帶佢地去MACAU GALAXY玩呀!!!!!!!
沒有留言:
張貼留言