虎家迎蛇年 - 辦年貨。拼了!!

以我了解嘅野人，如果要同佢地一齊順順利利去辦年貨

成功率係………近乎"零"!!!!!

兩隻野超唔鍾意行街買野 (自己野 + 陪我買野)

所以冇乜特別事，我都唔會勞煩兩隻野出動，自己一個搞掂哂安全好多!!

晨早已經入定D新年裝

 

順便買左D唔關新年事嘅春裝~~~哈哈

今年辦得最成功嘅年貨……登!登!登!登!!!!!!!

Jenny Bakery!!!!!!!

往年都冇乜必買嘅決心，抱住"買到就買，買唔到就算"嘅心態

但今年唔知點解想一定買到，所以就豁出去"拼了"!!!!

癲左咁同D自由人(排我前後都係操國語人!!)一齊排左2個鐘!!!!!!

CRAZY!!!!!(我講我自己^_-)不過買到又好似好有滿足感!!真係好好食呢~~

不過......總有D野唔可以自己搞掂，一定要帶埋野人-___-

例如試呢套華服………

如果唔係野人學校花市個dress code係華服

今年我冇諗住買"利是封"衫

因為....其實唔係咁鍾意將野人著到2個利是封咁出街…(男仔又冇乜選擇-__-)

"利是封"衫本來已經麻麻，唔JUST FIT會更樣衰，所以一定要試

叫得佢地出動，梗係要做足準備功夫

首先填滿個"黑洞胃"~~~~

食飽，再要玩飽-___-

 

都總算有GorGor配合，試下件衫 (雖然都係唔多願意-__-)

但DiDi………………唉……………唯有買返屋企先再試過

好彩啱身，唔使拎去換 :)

 

除左衫 + 送禮用品之外

買埋D糖果，過年嘅野都準備得8899

蛇年可以黎喇~~~哈哈~~~~

野人行Parknshop算最合作架喇，

因為佢地知道買完野，可以坐住呢架車去停車場，哈哈~~~~