虎家迎蛇年。獨一無二利是封

仲有一個星期就過新年，虎家都要開始一連串0既工作預備過年

頭炮梗係要有個賀年版Banner，增加下D新春氣氛先啦~~~~YEAH!!!!!!

突然間好想解釋下點解我地屋企稱為"虎家"

1) 本人夫君被稱之為"小虎" (澄清 : 佢並不是生於虎年 :P)

2) 野人生於虎年

由於一屋都虎，就順理成章變左"虎家"~~~~~~~

自從結左婚，再有埋野人之後

每年過農曆新年，我都好似好多野要去預備咁..............

今年我再行多一步 ------> 自製新春圖章，印一個虎家獨有0既利是封~~~~~

促成呢件事0既2個原因........

1) 野人而家大個仔左少少，我都多左D空閒時間

2) 本人不嬲都以"冇事搵事黎做"見稱~~~~哈哈哈哈~~~~~

事隔一個月，又黎到Teapot Art and Craft Workshop

今次我就撇底兩個野人，自己同同事A黎認真學整圖章

由於呢個係新春班，老師預備0既圖畫都以新年為主~~~~~

唔好講笑，我地由7:30一路無間斷整到11:00!!!!!!!!!!!!!無錯，係11點!!!!!!!!!!!!

雕完之後，我簡直覺得我連對眼都俾埋個圖章!!!!!!!!!!!!!

因為對眼要FOCUS三個幾鐘真係好攰!!!!!!!!!

呢個係同事A俾老師"激讚"0既成品，我都覺得超級靚呢~~~~~好有技術!!!!!!!

而我自己0個個~~~~哈哈~~~~真係得啖笑.....咁樣衰......

如果大家心水清，我將本來個圖0既"蛇年好運"改左"蛇年大吉"

個"運"字難雕嘛~~~~即刻改"大吉"啦~~~~哈哈哈哈~~~~~

以我咁無聊0既性格，我又點會只係得個"蛇年大吉"就罷手丫~~~~~

返到屋企，將我全部武功轉移俾小虎，叫佢繼續努力~~~哈哈哈哈~~~~~~

我都冇偷懶架!!!!!!!!我都好忙要負責試色架!!!!!!!!!!!!!

最後個成品係點??????梗係要保持神秘啦 (事實係仲未整完~~~~WAKAKAKA)

虎家獨一無二，限量一百個0既利是封，會0係大年初一同大家見面架喇~~~~~YEAH!!!!!!!!!!!!