3B MaMa Blog: 習慣の鍊成!!

本人非常重視習慣之養成

好習慣養成可能需要好耐，但壞習慣可能只需一日就搞掂-__-

對住野人，有D行為我見到會即STOP，因為好怕變左習慣，例如

1) 0係街"I"黎"I"去咁企 <--------- 好污穢，而且好似冇腰骨咁........

但..........GORGOR就係咁鍾意"I"黎"I"去 (應該都係遺傳自小虎!!!!)，真係次次出街，提佢都提到口乾-___-

2) 發脾氣，訓0係地 <---------- 以前未有野人，見到街有D小朋友咁做已經好驚

好彩，野人到而家都冇呢D行為 :)

3) 食野食到塊面污穢，搵隻手臂抹完再"HI"落個身

我呢個潔癖MaMa一定唔會容許呢種事情發生0係野人身上!!!!!!!!!

好彩佢地都有我0既潔癖基因，程度仲要有過之而無不及

i.e.野人每食一啖野，就會用手巾/紙巾抹一次咀，哈哈~~~~

好習慣養成方面

第一樣就係刷牙~~~~~

以我記憶，野人大約歲半，每晚食完最後支奶，我就會俾支牙刷佢地坐0係度刷牙

等佢地首先Feel下刷牙嘅感覺

選擇呢個年紀開始刷牙，同野人歲半開始多食左大人雜食有關

到現在，雖然刷牙技巧仍有待改進 (因為都要我同虎爸再幫佢地補刷)

但起碼都建立起佢地知道每日都要刷牙的自覺 :)

適逢近排學校派左"學生護齒紀錄手冊"，用作小朋友每日刷牙之紀錄

每星期都要將過往一星期刷牙之紀錄表交回學校

經過N星期之後，學校會派獎狀予乖乖刷牙0既小朋友 :)

當開始知道有呢個計劃，我已經MARK好每星期要交表0既日子0係自己個SCHEDULE

我係善忘MaMa，所有野都要寫低，如果唔係一定會冇左件事

除左交刷牙表，每隔兩個星期又要交還字咭!!!!!!!

"字咭"計劃係乜東東????

學校每隔2星期，就會派一張字咭俾小朋友..........

呢個係循環計劃，即是每隔2星期，小朋友都要交還先前收到0既字咭..........

由於K1 - K3小朋友已經識識地字，佢地係"請聽我讀"字咭

小朋友要搵人聽佢讀字咭上0既字

N班小朋友，即野人，仲未識字，佢地係"請讀給我聽"字咭

小朋友要搵人讀字咭上0既字俾自己聽，哈哈~~~~~

我好鍾意字咭0既內容，都係信仰提示，提示野人，亦都提示我 :)