遇見Non-stop小孩

由5月開始，一直忙緊兩大PROJECT ---> 野人慶生會 + 潘姨姨婚禮

野人慶生會其中一個預備功夫 ----> 回顧所有舊BLOG+舊相!!!!!!!!!!!!!!!!!!

花左個幾星期時間，終於完成呢個艱巨0既任務

當中發現左樣開心鼓舞野，就係有兩篇BLOG原來好多人睇過!!!!!

對於我呢D地下BLOGGER，有超過500人睇，我已經覺得好多!!!!!!!!!!哈哈哈哈~~~~

為左答謝大家支持，我會繼續努力寫BLOG呀!!!!!!!!!!!!!!!WAKAKAKAKA~~~~

至於潘姨姨婚禮，由於要做姐妹關係，循例都要去執執自己個樣

有一日去整頭髮0個時，遇見一個NON-STOP小男孩 (應該同野人年紀差唔多)

佢媽咪電髮，我就染髮，所以大家都"相處"左差唔多兩個鐘~~~~

過程中，每一次男孩媽媽要去洗頭 OR 男孩爸爸企圖將佢帶離SALON

總之就係媽媽要離開小孩視線範圍

個小男孩就會NON-STOP咁叫"媽媽，媽媽，媽媽........."

對於我呢D對小朋友"煩音"一向有抗體既人黎講

最初我都不以為然，但係佢0既NON-STOP 1000次"媽媽，媽媽，媽媽........."

終於引起我0既注意!!!!!!!!

其實我一向 (就算野人未出世前) 都唔太抗拒小朋友呢D行為

我有D未有小朋友0既朋友曾經同我講過，見到呢D小朋友，真係煩到想一拳打暈佢!!!!!!@@

我唔抗拒呢D"煩音"之際，就係度諗點解個小朋友都去到3歲

仲係咁冇安全感?!?!?!?!?!媽媽離開一下都唔得?!?!?!?!

加上抱走佢0既只係佢爸爸，並唔係一個陌生人!!!!!!!!!!!!!

離開SALON，0係同一個商場見番呢一家人

小朋友不斷0係商場亂跑，媽媽就不斷叫佢唔好跑 (但好明顯叫黎都冇用0個款-__-)

最後小朋友走左入去一個洗手間後巷，媽媽見到咁，想佢出番黎就講"我走喇"

跟住真係即走!!!!!!!!!!!好明顯到最後個小朋友一定係爆喊收場........

先唔談論呢個應付方法0岩唔0岩，因為育兒方法千千萬萬種

0係A小朋友身上WORK，並唔代表0係B小朋友身上都WORK

呢個係我0係野人身上學0既道理 ----> 唔同小孩，唔同教法

但呢個威嚇式"即走"方法，我一定唔會用

因為可能我蠢 + 多疑，我會諗如果我真係走，而野人又唔跟住走，之後應該點HANDLE?!?!

呢D會令自己陷入更困境0既做法，我真係唔會用~~~哈哈~~~~

所以我通常會用番小朋友最叻0既煩音，以其人之道還自其人之身去"對付"番佢地!!!!!!WAKAKAKA

用所謂0既"道理"講到佢地明白每樣野都有"完"0既時候

令到佢地自己會主動BYEBYE某個地方OR某件事

我估明白道理，遠比即場STOP佢地來得重要!!!!!!!!!!!!!!!!!

正因為咁，好多時星期六、日過後，我都會因為講得太多野而喉嚨痛!!!!!!@@

咁當然煩音唔係次次都聽得入耳啦 (始終都係3歲未夠0既人仔~~~哈哈)

所以大人都要有PLAN、有BACKUP

PLAN去0既地方、做0既事，要排好次序，一個要比一個精彩!!!!!!!!!

BACKUP就0係個小朋友隨行袋

一定要帶備一兩樣父母認為一定會氹到自己小朋友0既食物/玩具

所以湊小朋友真係鬧"智"又鬧"力"架~~~~哈哈哈哈~~~~