與童共樂。2013

野人學校每年都有"與童共樂"日

目的就係俾各位爸爸媽媽去到學校

同小孩一齊體驗下校園生活

今年野人K1，即係我同虎爸已經係第2年"與童共樂"

所以都大約知有幾體力勞動.....嘻嘻

一開始就係....烈日當空做運動.....@@

同去年比較，當然今年野人俾我感覺已經長大左好多

無論喺學校活動表現上OR心理上......

因為起碼GORGOR冇因為我去學校睇佢而嬲左我!!!!

P.S.上年GORGOR一見到我，係唔知點解嬲左我架!!!!!WAKAKAKA

但係佢都係KEEP住咁怕曬同咁懶嘅STYLE

老師講可以開始玩車

GORGOR就以極速坐去個乘客位，等有好心司機(同學)載佢一程

佢純熟嘅姿態令我覺得佢應該日日喺學校都係咁@@

第二個TASK....一家大細去打工....整飯糰.....

整個飯糰唧，唔使咁驚訝

最後以一埸歌舞作結

兩隻野都幾鍾意打鼓

唔通3年前皮紋師話佢地應該去學非洲鼓真係啱?!嘻嘻

今次"與童共樂"後....我感覺學校教育小朋友嘅主動性方面做得唔錯

一到茶點時間.....

個個都會自動自覺拎書包、掛書包喺椅背、拎茶點所需用品放喺枱

去音樂室玩前，又自動自覺拎張地墊，坐低，除鞋

或者對於學校，對於我自己

都依然看重小朋友嘅自理能力、主動性多於一切學術成就:)