捐贈玩具大行動

唔記得幾多年前

睇鏗鏘集定唔知星期1,2,3,4,5檔案

見到有間機構會收集玩具，整理後，以二手玩具模式出售

所有於機構內工作嘅都係單親OR未婚媽媽

當時覺得呢個IDEA好好，所以一直記住有個咁嘅機構

咁多年後嘅今日，好明顯就唔記得間機構叫咩名啦

幾經辛苦後，終於搵到佢地FB PAGE---->綠色小腳板

https://www.facebook.com/caritas.greenbaby

其實真係要做多D宣傳，等多D人認識(希望呢篇BLOG都幫到少少手)

想知綠色小腳板更多，可到以下網址:

http://greenbaby.caritas.org.hk

我自己一向都唔鍾意就咁將屋企D二手嘢求其放落D回收箱

因為我都想知道自己捐出嘅物資去左邊

幫唔幫到真正有需要嘅人!!!

我估.....應該好多MAMA同我一樣

屋企每隔一排就有大量積存"過氣"玩具

今次我就來個幫幫野人放瘀血大行動

事前我已經講解過俾野人知

唔係所有小朋友都咁幸福，儲夠貼紙就可以買玩具

所以要佢地揀揀有咩可以送俾其他小朋友玩

當然野人都仲係小朋友，梗係唔會咁慷慨揀好多玩具去捐啦

但我相信第一步要佢地明白、理解、繼而行動都好重要!!!

咁樣執一執，看似簡單，其實都要幾個鐘

加上自己係收納達人，梗係要將D玩具櫃執到達人級咁整齊啦!!!!

今次放瘀血大行動得以順利完成

有賴虎爸帶左兩隻野去會所新開PLAYROOM玩

如果我一邊執，佢地一邊玩，我諗幾個星期都未搞掂@@

最後執出呢堆瘀血.....

提提大家，如果要捐玩具去綠色小腳板

除咗去葵興CENTRE外，仲可以去另外13間明愛中心

去之前記住直接打電話去你想去嘅明愛中心查詢開放時間呀!!!!!!