巴斯光~~~~~年

自從野人2歲開始，我對佢地睇0既電視節目種類都開始放寬

畢竟我都係一個買左教材0既媽媽嘛，既然買得，就梗係要信下個教育顧問啦

顧問建議最好2 -2.5歲前，都唔好俾小朋友接觸多過一款0既教材以及其他0既卡通節目

如果唔係，小朋友就好容易混淆.............

所以野人2歲前，除左教材之外，我係絕少俾佢地睇其他電視節目架!!!!!!

但係對於我呢個長期都要有電視聲0既野人媽黎講，真係好痛苦呢~~~~~~

夜晚食飯，一係就聽教材d歌，一係就只可以靜英英!!!!!!!!!

所以一等到野人2歲，我就開始乜都俾佢地睇，NEMO呀、WOODY呀

就係因為咁，佢地都沉迷左電視0既世界喇

由最初睇到木定口呆，一粒聲都唔出，睇到做完先郁番

到開始識得緊張、驚，要企0係小虎後面睇

再到識得背、未去到某個劇情，已經自己講左出黎先

再加上差唔多到做完，(強調係差唔多做完、即係大約仲有5-10分鐘先做完)，就叫定"唔做完"-___-

有片為証 - 真係勁長氣!!!!!!!!!唔夠佢玩-_______-

整個過程，結論係........佢地最愛巴斯

因為而家佢地睇TOY STORY，無論邊一集，都係一冇巴斯，就唔係太專心睇........

而且佢地平時提起巴斯，都會特別肉緊咁講"巴斯光~~~~~~~年"

我已經嘗試拍過好多次片，諗住影低佢地講"巴斯光~~~~~~~年"，再放上YOUTUBE與眾同樂一番，但都唔成功!!!!!

我諗要野人或我或小虎爸現場演繹一次，你地先GET到係有幾亢奮咁講出黎，哈哈~~~~~