恩。典。太。美。麗

一早都話10月係一個"忙月"

忙無聊事，睇彭秀慧、睇草蜢軟硬、朋友聚會、搞自己生日會......

忙正經事，識左10幾年0既朋友結婚、準備家教會選舉.........

忙到連原本要去上堂0既parenting course都因時間太趕去唔到!!!!!!!!

10月，做左件好有意義0既事........

就係去左野人學校，參加由宣教師所舉辦0既workhop"一切從感恩開始"

顧名思義，叫你去過感恩0既生活~~~~~~

我覺得，就算冇信仰0既朋友，每日都應該從生活裡面搵感恩0既事

咁樣"正能量"都會上升好幾倍，wakakakaka!!!!!!

當然最好就梗係信主啦~~~~~~heehee~~~~

WORKSHOP裡面有個親子手工時間

呢個就係完成品

真係好感恩野人入到呢間學校

俾佢地有好多好多途徑認識主耶穌

亦都俾我有好多好多機會返到神0既面前

渴望呢一切一切都係為家人信主作好0既準備

近排參與0既活動，都有機會唱到自己好鍾意0既一首詩歌

感謝神0係我心情好沉重0既時間，揀選左呢首"恩典太美麗"

俾我感到"苦難愈多，恩典愈多"

志趣相投

是日去到DAMIEN哥哥屋企

野人開心之餘，我都勁開心!!!!!哈哈~~~~

因為DAMIEN哥哥都係一個愛車之人

佢對車0既愛戴，比起野人，簡直係有過之而無不及!!!!!!!!!!!!!!!!!!!!!!

3條仔圍埋一齊講"車經"-_____-

DAMIEN哥哥仲拎埋D書出黎講解俾野人知~~~~~

野人聽到勁專心!!!!!!!!!男仔同男仔真係0岩玩好多!!!!!!!!!

除左車，呢間屋仲有好多巴斯~~~~~~光年

GORGOR同巴斯度下高先~~~~~



而且仲有HAMSTER睇~~~~~~~

所以野人玩到超開心，弟弟仲要開心到唔想走tim~.~

可能下次聚會要再去過DAMIEN屋企:P

至於我點解咁開心?????真係要多謝DAMIEN哥哥

因為有佢一路照顧野人，我係勁FREE架!!!!!!!!!

可能今次係10月之星0既慶生

所以有得優待下我，等我有啖飽飯食下，又可以安安落落同D朋友吹下水

真係好耐都未試過傾得咁盡興喇~~~~~~YEAH!!!!!!!

既然DAMIEN咁幫得手，咁AUNTY 3B其中一個生日願望就送俾你啦~~~

希望你如願以償，媽媽生一個弟弟俾你

(唔知DAMIEN媽媽見到我許個咁0既願望，會唔會想殺死我呢??!!!哈哈哈哈~~~~)

YUM CHA

星期日去飲茶，其實好怕!!!!!

因為周圍都好多人!!!!!!!

我又唔係0個D靠關係一去到即有位0個D亞太喎~~~~~

仲要拖住野人，唔使旨意佢地有耐性陪我等位...........

其實我有諗過，如果大家都"奉公守法"等位，唔走捷徑，係咪大家都唔使等咁耐0既呢??????

媽子話佢教會附近0個間酒樓唔使點等位喎，可以一試

我諗野人應該記得咩係飲茶，因為我一同佢地講出去飲茶

佢地都好興奮，而且好合作地換衫

可能加埋上星期對哥哥0既大懲罰，佢今次係異常地合作~~~~哈哈~~~~~

心情勁靚去街0既野人

呢間酒樓果然唔係太多人，D人都應該全部係教友~~~~~

又爭住揀野食0既野人

最後哥哥靠睇圖，揀左燒腩仔@@好肥膩，不過算，你有QUOTA~~~~~~

而家野人已經好細路仔喇 (唔再BB)，出街要帶玩具-____-

佢地飲茶好食得架!!!!!!我諗佢地仲食得多過我

如果佢地平時食飯都係咁就好喇=___=

飲完茶，佢地話要去踢波喎~~~~

不過好可惜，我呢個疏忽媽媽，上次帶左D踢波器具返左屋企，唔記得放番落架車........

所以....話佢地知去唔成踢波，佢地就話去"冬菇"，即係屋企樓下個遊樂場

因為0個度有幾舊"冬菇"咁0既野

不過........野人叫屎又係叫冬菇!!!!!!!!!!哈哈哈哈~~~~~而佢地亦都好鍾意食冬菇

"冬菇"一詞未免太濫用了~~~~~~

"冬菇"0個度，哥哥好鍾意玩呢個架~~~~~

可能都因為佢夠"輕身"，所以好容易做到呢D動作!!!!!!!!

玩完"引體上升"，3父子去左"灘下"

哥哥，你玩到咁亢奮，返到屋企你又唔訓晏覺lu............@@

悠閒周末

又到左野人唔使返學，我唔使返工0既星期六!!!!!YEAH!!!!!

食個late breakfast慶祝下先~~~~哈哈~~~~

真係要慶祝，因為成個十月0既WEEKEND都將會好忙

有得HEA就HEA下喇~~~~~~

超多人等位!!!!!!!!!!

要俾野人食下腸仔先有耐性陪我等

DIDI本來訓左，起左身都未有位

終於等到喇~~~~~~自己揀食咩啦~~~~唔好要我諗~~~~~

兩隻野先選PIZZA FAVOUR

一個揀菇 ; 一個揀玉米

同野人食PIZZA係最舒服0既，佢地自己搞掂唒，唔使咁煩~~~~~~

食飽飽，陪我行下我0既至愛----->SUPERMARKET

買完野，推佢地落停車場，慳番D力

送野人返歸，我同小虎去睇個戲~~~~~咁得閒0既生活諗諗下好似好耐冇試過LU..........

Punishment

我估我係相信"慈母多敗兒"

小虎呢D爸爸完全惡唔出樣，衰人呢D角色都係交俾我啦~~~~~

所以我對野人都算係幾"狠"

咪話呢排GORGOR好唔合作0既，我終於忍唔住要罰下佢

等佢知道唔合作0既後果!!!!!!!!

是次唔合作0既行為有

1) 唔肯訓覺，死都要搵姐姐陪

2) 叫佢換衫去街，講左100次都唔行過黎換

3) 長期唔想食正餐

4) 出街死要抱，唔落地行!!!

罰就梗係要罰D致命傷0既野，對哥哥當然唔可以罰佢冇飯食啦

冇飯食對於佢黎講應該係"獎"，唔係罰~~~~WAKAKAKAKA

佢應該似似地想當年0既我，鍾意出街，所以就罰佢冇得出街

仲要0係佢面前同DIDI出，佢就同姐姐留0係屋企<----哈哈，好似好變態咁~~~~~~

DIDI，你冇哥哥0係度一齊玩，係咪有D寂寞呢?!

好啦好啦，見你咁掛住哥哥，俾你買個McD返屋企探佢監喇~~~~

可惜DIDI未將McD交到哥哥手上，佢已經訓左@@

搞到哥哥可以一人獨享

哥哥︰冇得出街，等我食唒成個JUNK FOOD BURGER洩下憤先~~~~~

DIDI訓左，見哥哥又好似受左教訓之後，乖左好多.......

就同佢換番個街童LOOK去樓下個公園玩下

唉.....好日唔落去，一落去都要我發火........

今次唔關哥哥事，係關D強國人事

呢張相個左下角SHOW到我帶左架單車落去玩

如果野人唔玩架單車，我通常都係放埋一邊，唔會長期推住

呢個時候，有個強國小孩坐左落架單車度

其實我都冇乜所謂有其他小朋友玩，所以我先將架單車周圍放

問題係在於湊住0個個小孩0既強國大叔

我最憎人冇禮貌+老鳳!!!!!!!!!!

小朋友冇問過人就拎左其他人0既野玩冇問題，因為仲細係唔識咁多野

但係大人就唔可以咁囉!!!!!!!咩事呀????你覺得呢個公園會OFFER埋單車俾你玩?????

仲要我示意左架單車係我0既之後，佢都完全冇諗住同我講聲借黎玩

只係扮唒野叫個小朋友唔好玩!!!!!!!!!!!!!!

我唔會出聲叫個小朋友唔好玩囉，因為個問題唔係0係個小朋友度

所以可能個強國大叔見我冇話個小朋友，佢就繼續扮冇野!!!!!!!

最後0係個強國小孩想將我架單車拆骨0既情況之下

我先忍唔住同佢講"架單車唔係咁玩呀"

然後佢可能以為我鬧佢，所以佢就起身走左LU...........

唉......強國人，你地雖然係變左個強國，但係D修養幾時先可以提升下呢????!!!!!!!

燥完，返歸，加上都唔可以同哥哥玩咁耐

因為如果俾DIDI知道，以為冇得去街，有得去公園玩係獎勵~~~~哈哈~~~~~

等DIDI起左身，又拎番個McD出黎食，扮冇事發生過一樣

因為哥哥呢個時候，已經沖埋涼換番睡衣，又食過McD

但係如果DIDI夠眼利，應該留意到哥哥已經著緊第2套睡衣~~~~~WAKAKAKAKAKA~~~~~~

雞肋‧姐姐

如果大家0係香港讀書長大，應該都知咩係"雞肋"

即係"食之冇味，棄之可惜"0個D呢~~~~~~~~

我不嬲都用呢個詞形容我家"玉豆姐姐"

唉.......我家姐姐....點講好呢.......

佢要做0既野，例如家務呀、煮飯呀、湊B呀，其實都冇一樣做得好!!!!!!!!!

我自問同小虎都唔係要求好高0個D人 (因為如果要求高，應該FIRE左佢十年!!!!!!)

總之佢唔會做D傷害野人0既事，咁我地就OK架喇

同埋我不嬲都覺得如果覺得唔好就再請，應該請極都唔會0岩心水

始終文化唔同，係好難滿足到我地0既要求

佢地其實冇好同差0既分別，只有差同再差0既分別............

所以如果好似我呢D，懶得去適應新姐姐，最好就不斷降低自己要求，但求唔太差就算喇.............

講到佢咁一冇是處，好似冇乜留低0既理由咁......

但係我話得佢係"雞肋"嘛~~~~~~總有D野係好0既，嘻嘻

就係佢好鍚野人，好似呢2架巴士就係姐姐送俾野人0既中秋禮物喇


其實姐姐都幾常送野俾野人，仲要送親0個D野人都好鍾意架~~~~~~~

有時我都覺得佢應該比我更加了解野人~~~~哈哈~~~~

不過.........雖然佢有呢個好處............但係呢排真係覺得姐姐好難相處

因為佢呢排長期黑面!!!!!!!!!!!

朝早返工又黑、夜晚放工又黑、問佢野又黑、叫佢做野更黑!!!!!!!!!!!!!!!!

唉.......其實我都冇要求佢由"雞肋"變"雞脾"，但求佢安安份份做番"雞助"，唔好變雞PatPat就得架喇

又冇得罪佢，塊面唔好咁黑，得唔得??????

H 。E 。A

有左小朋友，真係唔好諗住會訓得晏.......

如果照訓就會變左咁~~~WAKAKAKA

所以都係起身罷啦~~~~~

既然起左身，都係出街啦

但係尋日病住去完DISNEYLAND0既我，已經冇左半條命

本來諗住第2日姐姐唔使放假，我就可以抖抖啦~~~~~

點知0係夜晚，我家姐姐話第二日一定要放假去OCEAN PARK喎@@

簡直有0個種........我俾埋另外0個半條命仔佢..............

所以是日都係唔好去咁遠街......等我回番少少氣先~~~~~~

近排大野人成日都要抱......所以得細野人仲應我0既要求----->出門口影張相~~~~~

 

野人返左學之後，比起以前較接受拖住對方 (以前係叫極佢地互拖都唔肯架!!!!!!)

見到呢個畫面，又感覺到有2個小孩0既幸福~~~~~~

 

雖然呢張相朦成咁，但係都好似睇到細野人笑得好開心

估下佢地等緊乜~~~~~

就係等緊佢..........

只要野人有D野咬下，陪我行街買野(買佢地D野)，就唔會咁容易發癲~~~~~~

話就話我要回氣，但都要帶野人去放下電~~~~~~

但由於GORGOR仍然唔係咁合作，成日要人抱

所以玩左一陣就要返歸...........

返屋企，嘆電視~~~~~

等小虎爸煮飯俾野人食

兩隻野等開飯0個時，又不忘推下車~~~~~~

又要講，有2個小孩，真係好好~~~~

點講好呢????!!!!!其實佢地真係有佢地自己0既世界，總之一個小朋友真係會覺得悶.......

所以已經有一個小朋友0既朋友仔，記住繼續努力呀~~~~哈哈哈哈~~~~~

是日小虎爸親自主理晚餐

都食得幾YUMMY丫~~~~~~~

食飽，玩多陣槍，就叫佢地去訓lu............

其實咁樣HEA下都已經好爽呀喇~~~~~