雖然地點離大阪市中心有點遠
但入面有個「遊具之塔」(TOY TOWER)
睇介紹都覺得超級好玩
小朋友可以由4樓爬到8樓
絕對係放電之選!!!!!
但無奈喺朝早出發前。。。
發現我地去當日，TOY TOWER正值進行保養維修
仲有幾日先重開 (2016年3月14日重開)
但既然決定咗去，就唔改行程喇
因為Big Bang館內除TOY TOWER外，仲有其他嘢玩
就當留少少缺憾美，如果下次再去大阪，再同野人去「爬」過啦 :)
TOWER之外，館內最Signature就係隻大鱷魚
大鱷魚嘅牙可以拆嚟玩
小孩亦可在鱷魚「體內」自由跑、跳、FING。。。
另外，仲有我都唔知係咩生物嘅「化石山」任爬及瀡
Big Bang兒童館同之前玩嘅KIDS PLAZA OSAKA比較
Big Bang呢個比較多體力勞動嘅嘢玩
所以如果小朋友屬於ENERGETIC型，Big Bang真係好啱玩!!!!!
Big Bang兒童館，除鱷魚呢層外
另外有一層玩嘅嘢比較靜態
唔知呢層有咩主題，只係知有少少似香港科學館
再加少少似香港歷史博物館，但變咗日本歷史版 XD
有D日本懷舊小店，影下相都幾得意 :)
懷舊小店附近嘅員工，大多數都係長者
而且好熱心教我地玩，有個伯伯教摺紙
摺咗隻介指送俾我，仲幫我圈埋上手指 :)
準備離開Big Bang兒童館前
唔好忘記玩最底層，臨近出口，有個大型幕嗰個遊戲
(因為我地都差D行過咗，以為冇嘢玩:P)
小朋友先喺紙上畫自己心愛嘅圖畫
然後放上大型幕前嘅SCANNER
為自己畫嘅圖案「上色」、較大細肥瘦
搞掂好嘅圖案就可以「飛」出去大型幕
野人一向都鍾意畫畫
所以好鍾意玩呢個玩意，係咁畫係咁畫 :P
出發去旅行前，睇Blogger介紹
近泉丘站有間壽司店，好似香港元氣咁
用車「送」SUSHI
所以既然冇得爬TOY TOWER
早咗離開BigBang兒童館
有時間去慢慢「玩」+「食」
我們這一家好似好餓咁
最終食咗31碟!!!!!!! XD
唔知點解，時間好似好好用咁。。。
HEA食完SUSHI，見仲有好多時間
搭車去大阪站，幫朋友去TOYSRUS買嘢
兼且去買我至愛KRISPY KREME
(以為今次冇緣食到呀。。。終於食到，好感動!!!)
仲有時間嘅?!?!?!?!
去多次心齋橋，諗住去香港有小孩人士必去嘅「釣魚」餐廳晚飯
點知。。。咩事個門口黑哂嘅?!?!?!?!
原來裝修呀！過多幾日先重開!!!!!!!!!
一日黑仔2次!!!!!!!有冇咁過份-__-
TOY TOWER唔開！「釣魚」餐廳又唔開！
「唯有」去穩穩陣陣一定有得食嘅蟹店食蟹 :P
野人自己落手落腳拆蟹
我同虎爸啤一啤，慶祝接近尾聲嘅旅行大成功 XD
明明係我同虎爸飲酒唧
但哥哥先似係飲大咗嗰位 XD
野人經歷呢個日本之旅後
唔知係咪因此而操練咗
好夜 + 行咗好多路之後
仍然精神奕奕、雙眼冏冏有神 XD
沒有留言:
張貼留言