但又想爭取最多時間去玩
我地唯有將食嘢時間縮短
快食咗個早餐就出發去玩 :P
今日目的地：KIDS PLAZA OSAKA
喺JR「天滿」站出後，經過呢D日本感好重嘅街
就會見到KIDS PLAZA嘅所在地
P.S. 小提示 : 如果搭地下鐵，就喺「扇町」站落車 :)
呢棟建築物，如果只睇外面
完全唔會知入面有個咁好玩嘅KIDS PLAZA!!!!
KIDS PLAZA位於大樓嘅3、4、5樓
搭Lift一開門，見到一大群日本學生
應該係學校安排去KIDS PLAZA玩 (真開心)
正值佢地午飯時間，個個帶哂自家便當開餐
大大小小年紀都識照顧自己
之前都聽聞過日本小孩自理能力高
今次終於見識到 :)
4、5樓中間位置其實係一個兩層打通設計嘅KIDS TOWN
小孩上上落落又行又跑又爬又瀡，足以放哂電！
野人最鍾意放自己嘅電，所以喺KIDS TOWN玩得最耐!!!!!
除咗放電區，4、5樓都各有其他嘢玩
5樓玩嘅大概同香港科學館玩嘅差唔多
所以如果大家好似我地咁，時間唔太充裕
可以放棄5樓，主力玩4樓！
因為4樓有條好好玩嘅KIDS STREET
有得做水喉工人、造型設計、超市購物、郵差、檔主等等。。。
著好衫、袋好信、準備出發派信！
兩隻嘢貪多，拎咗勁多封信
所以派咗好耐 XD
又要讚日本人做任何事都認真、細緻
超市，購物完畢嘅自助結賬發票，好有內容呀！
真係印哂小朋友所「買」嘅購物清單
如果唔喺日本。。。
一係就張張發票都係同一個內容，假到死
一係就連張發票都唔會有XD
發票之真實外，更令我驚訝係。。。
超市內協助小朋友嘅職員
個樣真係好有退休超市職員嘅感覺
唔通日本人真係認真到。。。
請人時，個樣都要睇埋似唔似超市職員?!?!?!哈
場內個個小朋友都好守規矩
買完，玩完，就將貨品歸位 :)
除以上遊戲外，3樓及場外就設有屏幕遊戲
另外仲有一間間房玩唔同主題嘅Workshop
但礙於我地夾唔啱時間及冇乜時間等開場
所以冇玩就離開
我地逗留喺KIDS PLAZA大約3個鐘
3個鐘，唔夠小朋友自由咁玩
特別係好似野人一樣，鍾意放電嘅小孩
一定會喺KIDS TOWN玩好耐!!!!
所以如果真係想玩哂所有窿窿隙隙嘅朋友們
用4-5個鐘玩KIDS PLAZA就比較適合 :)
沒有留言:
張貼留言