當年野人仲喺我肚嗰時
已經去過一次 XD (雖然當時仲未知自己有咗BB)
我仲記得當年玩SPIDER-MAN，差D成個人跣咗落地
如果當時真係出咗意外。。。
今時今日，野人都唔會有機會去到Universal Studio :P
啱啱又遇著剛剛，門口個牌匾變咗2D -___-
幾驚黑仔到個地球都變埋平面。。。好彩冇 :P
我地去USJ當日，唔知係咪日本學生假期呢?!
超超超超超超超超多人!!!!!!
心諗，死死死，咁多人，有排排隊玩
好彩當我地去到WONDERLAND嗰時
咦，都唔係咁多人唧
原來只係多「年青人」!!!!!!
WONDERLAND嘅低智能遊戲，唔啱佢地 :P
所以我地都冇乜受多人影響，GOOD!!!!
因為Furchester Hotel呢套卡通
野人愛上咗Cookie Monster呢個癲癲地嘅角色 :P
所以喺USJ WONDERLAND
第一件事就係去SESAME STREET FUN WORLD搵Cookie Monster
SESAME STREET FUN WORLD有室內及室外遊戲兩部份
呢個Elmo版海盗船，幾好玩架！
上下搖擺之外，仲會同時間360度轉
(見唔見到我同野仔?!哈哈)
估唔到野人咁鍾意玩嘅Rubber Duck
仲要一路玩，一直不斷講「Rubber Duck」
唔知又係受邊套卡通洗腦-__-
「高空」玩意，SESAME STREET有，SNOOPY都有
室外玩意嚟講，最吸引野人嘅當然係揸車
野人朝早一入去USJ已經有揸
到差唔多關門大吉嗰時又再揸！
真係天光玩到天黑!!!!
題外話：車場分咗兩個
1）Little Drive: 3-5歲
2）Big Drive: 6-12歲
野人2個幾月後就會踏入6歲
所以Little Drive同Big Drive都玩哂 :P
溫馨提示：玩哂室外，再玩室內
因為趁仲有日光，室外影嘅相會靚D :)
轉戰室內芝麻街館
記住呢個「船仔」有得拎Reservation Ticket
唔好好似我地咁傻仔，排咗好耐隊先知 -__-
Snoopy館有個都幾刺激嘅小孩過山車
只有哥哥敢去玩
弟弟唔玩過山車，就去咗打棒球
室內場館仲有Hello Kitty館
不過好明顯。。。野人零興趣 XD
爭取時間玩，又食「快飯」
(今次去大阪都唔知食咗幾多次「快飯」XD)
呢個「快飯」好精緻
但望埋去覺得好多紙盒呀！好唔環保呀！:P
撞著就快復活節，有呢個期間限定「蘿蔔卷」
個蘿蔔其實係麵包造成，味道就。。。
買嚟影下相。。。OK嘅 :P
雖然新加嘅FLYING DINOSAUR未開
但都諗住帶兩個過氣恐龍控去Jurassic Park朝聖
點知。。。
原來因為要整FLYING DINOSAUR，整個Park都封咗!!!!!!
既然係咁，去Harry Porter做D正經嘢先
就係寄Postcard俾野人親愛嘅哈利迷潘EE
溫馨提示 : 就算只係想喺HARRY PORTER入面影張相
唔玩任何一樣嘢都好，都要拎ENTRANCE TICKET
拎飛嘅地方，完全唔關HARRY PORTER事
而係喺CENTRAL PARK入面 (即係USJ中間個湖仔隔離)。。。
拎HARRY PORTER飛，路過見到大白鯊，留個念 XD
就算我唔係哈利迷
都覺得呢個HARRY PORTER區好值得一去
因為堅整得靚!!!!!!!!!!!!!!!!
原來WAND都有咁多款!!!!!!
任務完成 :)
由於虎爸對想當年玩嘅SPIDER-MAN念念不忘
所以佢就去SINGLE-RIDE
我就同野人再玩下 + 買下COOKIE紀念品
離開USJ，諗住去隔離個商場食個快飯 (又快飯XD)
但每一間 (真係每一間) 都排唒長龍!!!!!
所以提提大家，如果真係想玩完USJ
喺呢個商場食飯又唔想排咁耐隊
最好就早少少就閃喇 :P
最後我地呢個快飯一D都唔快
哥哥都盡顯疲態。。。
不過。。。搭完程車返酒店前
野人又好似急叉完電
精神奕奕要求影相@@
沒有留言:
張貼留言