學校假期又來了の大阪GoGoGo

野人學校嘅老師又要去「發展」喇 XD

幾日「發展日」假期，一定唔可以白白浪費!!!!

特別係野人今年已經K3

好多朋友都「忠告」我今年要多D帶野人去玩

(小學有排唔使玩喎-___-)

所以接受「忠告」下，點都要同野人去個旅行啦:P

以前細細個，鍾意早去晚返

宜家老咗，早機真係唔啱我

黃昏時份出發，感覺悠閒，更強旅行感覺 :)

野人最愛拖呢兩個唿出"TRIP"

兩、三年嚟，都陪佢地去過唔少地方

兩隻嘢每次拉住兩個唿

都會俾唔少於10個人心心眼

讚佢地「So Cute」:P

不過用多一、兩次都可能要退役

因為我估兩隻嘢過多一排都唔多想俾人讚「So Cute」哈哈

野人每次去旅行，都會顯現10萬級興奮

呢種興奮指數令我好有動力多D帶佢地去放眼看世界 :)

11點幾。。。飛機上。。。

我好想瞓，弟弟仍然好精神 -___-


由於安全主任虎爸

禁止我們這一家踏足日本

所以有好幾年冇去日本嘅我

一到著日本國土，都要即影張相

紀念呢個歷史時刻 XD

夜晚晚到著，我地安排喺機場酒店住一晚

明天先出市區繼續行程

可能由於太興奮，差唔多零晨兩點

兩個都好似下晝兩點咁精神

兩隻嘢仲要好好胃口食哂我個日本情意結「關東煮」-__-


而我自己好似都感染到野人嗰份興奮之情

差唔多5點都未瞓!!!!! XD


<<到著日本小插曲>>

野人一入酒店房。。。

1) 弟:「呢個電腦Mon嚟呀」
虎爸:「電視嚟呀，串咀！」

2) 我食「關東煮」，兩隻嘢又要跟住食。。。
弟:「乜日本嘅嘢食無味呀？」

歡迎挑剔帝國嘅兩位子民大駕光臨日本 XD

如果想知呢兩位挑剔子民喺大阪玩咗咩

記住STAY TUNED WITH 3B MAMA BLOG喇!!!!! :)