好貪心地有好多地方想同野人去
所以部份日子嘅行程都比較趕 :P
玩完KIDS PLAZA OSAKA
即刻去咗個少少新嘅旅遊點 – EXPOCITY
EXPOCITY位置就喺萬博公園隔離
所以要去EXPOCITY就同去萬博公園方法一樣
以大阪站出發為例，搭地下鐵「御堂筋線」去到千里中央站落車
出閘後，經過一個小商場
再轉乘單軌列車就可以去到萬博記念公園站
萬博記念公園站外，有章魚燒店
嚟到關西大阪，當然要食關西名物啦
實行見一次，食一次！XD
遠眺到萬博公園嘅著名「大雀」
左邊係萬博公園，右邊係EXPOCITY
由於到達時已接近黃昏時份，只能二選一
最後揀咗右邊，所以只可以遠遠同「大雀」合照
下次再去大阪先再去萬博公園玩啦 :)
(橫掂如果再去，摩天輪都應該起好，又多個再去嘅理由:P)
好！解構下EXPOCITY有咩！
首先有個戶外遊樂園
呢個遊樂園有咩玩？自己睇相啦XD
大家都知野弟一向都高過野哥幾cm
原來唔好睇少呢幾cm
就係呢幾cm之差，令到弟弟可以Single-ride
哥哥就唔可以，唯有要我陪啦:P
所以呢幾cm真係世界最遙遠嘅距離XD
不得不讚一讚弟弟。。。
我腳長佢咁多，都要吃力咁踩先踩到升高
佢一個人都踩到咁嘅高度，都算堅！
遊樂園外，戶外仲有個大草地
如果可以好悠閒喺度野個餐，都真係幾爽
不過我地當然冇得爽啦，乜都冇準備!!!
坐一陣、嘆一陣就算
EXPOCITY其實由好多個Building組成
想知最多當然去睇睇個網址
http://www.expocity-mf.com/sp/en/
咁多棟嘢之中，我地揀咗入去NIFREL
NIFREL係集水族館、動物園及美術館於一身嘅展覽館
俾魚仔咬嘅感覺原來係咁呀!!!!!!
我以前一直都唔敢呀！好大進步呀 (自己XD)
行行下有個好靚嘅投影球
不斷轉換嘅景象，好吸睛!!!!
夜晚喺LaLaport開餐
又食關西名物，今次唔係章魚燒，係大阪燒 :)
好味，CHEERS!!!!
食飽飽，梗係去行下街
LaLaport入面超多店!!!!!!
例如有香港人好熟嘅Old Navy、Loft等等。。。
小孩店都超多！
又有野人最愛嘅LEGO店，仲有間鐵路店
詳細Shop List
http://www.lalaport-expocity.com/en/shopguide/
如果要認真行，行一日都行唔完!!!!!!
日本商場一向都體貼
大人有大人行街、小孩有小孩玩樂
一直玩到商場關門先走
註：是日夜宵大滿足，有第二最愛Donut外
仲有去日本指定動作 : 試哂所有「期間限定」XD
沒有留言:
張貼留言