所以生日前一晚，我已經同佢吃左餐飯‧預祝!!!
去左JW食BUFFET，因為"ALL YOU CAN EAT"係小虎最愛0既飲食文化!!!!!!!
雖然本人極度唔歡喜BUFFET呢樣野，認為係推動浪費食物0既行為
但係生日0個位鍾意嘛......梗係要食D佢高興0既野啦~~~~~~~~
不過......都唔知係D鮑魚太難消化，定係我真係年紀大，消化能力大不如前..........
食完0個時我個胃真係頂到有想嘔0既感覺!!!!!!!!!!!!!!!!!!!!!!!!!!!!!!!!
而且呢個頂住0既感覺維持左2個幾鐘先消失!!!!!!!!!!!!!!!!!!!
就係呢D鮑魚+埋D花膠，食到我胃頂頂!!!!!!!(屈落D鮑魚度，否認自己老~~~~哈哈~~~~)
我已經唔係好努力咁食架喇....都搞成咁......唉.......以後都係少食為妙...........
小虎生日，都冇乜諗定想去邊~~~~~~
最後......朝早起身決定去OP
小虎話今次係最後一次生日係"4個人去，俾一個人錢喎~~"(竟然係呢個原因決定去....-____-)
雖然我有D做左父母0既朋友話『就算亞B夠3歲，都可以扮未夠，照FREE咁入去......』
但......又到我要發牢騷0既時候喇......
莫講話我從來冇呢個MINDSET要"博大慕"先啦
就算而家俾我知左有D人係咁，我都真係做唔出囉!!!!!!!!!!!!!!!!!!!!!!!!
1) 誠實問題，點做身教呢?!
2) 做乜要個小朋友冇啦啦做個偷偷摸摸0既人呢?!
小孩雖然只有3歲，但都有自尊嘛!!!就算唔會有人CHECK，冇人知，自己知就夠死啦!!!!!!!!!!
好!發完牢騷，講返OP~~~~~
今次去OP可謂另一個對我同小虎0既"力的考驗"
雖然野人已經有大半年冇坐BB車，但呢段時間我都冇試過同佢地全日去呢D樂園呀~~~~~
所以今次係第一次得我同小虎2對手呀!!!!!
而我同小虎都做足心理準備!!!!就係----->野人一有D咩唔對路好難搞
我地就即走，話唒都係4個人俾1個人錢嘛~~~唔覺蝕~~~~WAKAKAKAKA
一入到去，DIDI同佢個朋友 - 鯊魚 - 影張相先，唔知點解佢好鍾意鯊魚
至於GORGOR，自己話自己"驚"，唔影喎~~~~~
再黎一張全日只影左一張0既全家幅~~~~~~
2隻野除左至愛"巴斯光~~~年"之外，最最最鍾意就係睇魚喇
睇魚係會令佢地去到極度亢奮0既狀態，特別係一下子出現極多魚0個時~~~~~
見到咁多魚，DIDI已經大叫"好多魚魚"，而且開始自言自語中....唔知係咪同D魚交流緊~~
同魚魚SAY GOODBYE之後，就上山醫肚
咦，呢個小朋友，你自己一個咁悶呀???哈哈~~~
搭呢架列車上山~~~野人上次仲係坐0係BB車
今次已經係自己排隊上車~~~~
去企鵝餐廳食LUNCH~~~~都多多地人，要等位
等位0個時歎支橙汁先~~~~咁0岩俾我影到DIDI0既超級自私眼~~~~WAKAKAKA
終於等到位喇~~~~~同生日之星影張相先啦~~~
等食......
KEEP住望隻匙羹裡面自己個樣，自戀狂又返黎喇+____+
終於有得食~~~~
今餐都算乖，坐得幾定自己食~~~~
可能又係佢地最愛0既PIZZA，所以比較掛住食，冇搞其他野~~~~
食飽飽，又變iPHONE的少年
離開餐廳，見到呢架野，野人話想坐喎~~~~
食多幾年飯先再同我講啦~~~~哈哈哈哈
入去睇企鵝lu......入面真係好凍呢~~~~~
山上D野唔0岩野人玩，所以落番山lu.....
FIRST RIDE ON CABLE CAR~~~~
落左山，第一站係懷舊香港
偷瓜賊.......
小虎又要SHOW OFF佢0既演戲技倆
擺檔0既兩位小兄弟
再去坐下架"叮叮"
爬黎爬去冇時停 (小虎話最CONSUME 能量係0係呢架叮叮入面喎~~~~)
見到呢個魚魚Carousel，野人都要玩一玩~~~
哥哥話要坐"毛仔"喎~~~~但"毛仔"係單人座嘛~~~咁細個要同大人坐雙人座喎~~~~
都係0個句，食多幾年飯先再同我講啦~~~~HAHA
最後去"兒童皇國，做主角........"<----呢首歌好似係兒童皇國開0既時候唱0既
應該同我差5多大0既人先識架喇~~~~YOUNG D OR老D都唔識呢首歌:P
以前"後生,仲做女0個時"<-----而家好鍾意咁形容自己~~~WAKAKAKA
都唔明點解OP要有呢D攤位遊戲
要玩呢D係"放錢樂園"都有得玩啦，做乜要入到黎OP玩
但係唔知點解有左小朋友就會自自然然玩架喇!!!!!!真係好神奇~~~~~
是日野人最WILD就係俾‧佢‧地‧見‧到‧呢‧幅‧牆!!!
真係爬上爬落10次8次都唔夠呀!!!!!!!CRAZZZZY!!!!!
哥哥係爬到隻腳損唒都要繼續爬!!!!
(之後一日婆婆問佢個波羅蓋咩事損唒，佢答"仆親"...-____-)
咁樣爬落去都唔係辦法，帶佢地去玩小小摩天輪分散注意力
最後最後玩埋呢架"的的tat"就諗住返歸喇~~~~
點知野人勁鍾意玩，最後玩左3次，仲要喊住唔捨得咁走>___<
最多俾佢地0係呢架唔識旭0既，再"磨爛蓆"多一陣.......哈哈~~~
其實今次黎OP都算舒服
因為1)天氣開始有D涼，唔會熱屎!!!!!
2)冇乜大陸人，GOOD
3) 香港人都冇乜，唔知係咪0岩0岩放完暑假，D小朋友要玩都暑假玩唒
D大朋友要玩都等下個月HALLOWEEN先黎玩
所以客觀因素非常舒服
但係我同小虎爸當然都好攰啦~~~~始終要湊住2個精力旺盛0既野人嘛~~~~
野人玩完都好攰呀!!!!!全日冇訓過之下，一上車，都未去到個停車場口已經訓左，熟睡埋~~~~
佢地就好啦，一上車就有得訓
難為生日0既小虎，玩完咁攰要車我地返屋企之餘，仲要遇著塞車!!!!哈哈~~~~~
算啦算啦，返到屋企食個生日餅補償你啦~~~~
雖然我買呢個蛋糕0個時都係一心諗住亞仔見到呢個DINOSAUR會好興奮!!!!!!!!WAKAKAKA
哥哥見到有野食，就會好合作咁笑足全程
兼且好落力咁BLOW OUT THE CANDLE!!!!!
近到咁吹，我都驚佢燒親個咀~~~~~~
DIDI，你做乜切餅切到個眼神咁凌厲呀?????
下個月我生日，唔知野人會唔會已經識得唱生日歌俾我聽呢?!嘻嘻~~~~
其實去完OP，我帶2隻野返上屋企0個時
發生左件對我黎講好嚇人0既小插曲!!!!!!!!!!
就係搭搭下LIFT，見到個地下有滴血
正想叫野人唔好行埋去之際，就見到哥哥個"人中"位全部都係血!!!!!!!
嚇屎我呀!!!!!!!以為佢咩事流咁多血!!!!!!!!
事後諗番0係OP，我地食左呢個拼盤
而哥哥係怒食0個個洋蔥圈囉!!!!!!!!!!肯定係因為太熱氣啦~~~~真係俾佢嚇Q屎!!!!!!!
沒有留言:
張貼留言