上學第一星期，全個星期都可有家長陪同。
我要好認真好認真記下MM人生第一個星期上學之時光
怕時間過了，會遺忘，記憶會褪色.........
所以這珍貴之片段，我要認真、詳盡地記。下。來。
DAY 1
除左上年0黎INTERVIEW0個次，今次係野人第一次認認真真見到自己0既學校
呢個PLAYGROUND除左吸引我，仲好吸引野人，佢地睇到已經想即刻出去玩!!!!!!! 
First time to meet the teachers~~~~~~ 
每日程序
1) 在自己手冊相應之日期上貼上貼紙，代表出席紀錄 (唔知點解張相可以朦成咁....影相0個個可以拉出去斬!!!!!!) 
2) 掛起自己之書包在相應位置 (影件死物都可以影成咁!又斬!!!!!!) 
3) 貼上自己樣之小蜜蜂，代表是日有出席 (哥哥次次都係揀左DIDI0個張當係自己!!!!!!!!!) 
4) 搞掂，可以去玩lu.......
DIDI好似要一次過玩唒所有車!!!!! 
GORGOR就乜都玩下啦，唔一定玩車~~~~~ 
上半堂，2隻野都算坐得定 
哥哥仲要坐坐下扮"小花"，哈哈~~~~~ 
下半堂，開始坐唔定，老師講乜又唔理
自己有自己玩!!!!!!!!完全唔理老師0既活動!!!!!!!!!!
坐唔定都唔緊要喇，因為下半堂都出去玩~~~~
但係出到去PLAYGROUND，只係掛住玩其他野，又係完全唔理老師，激屎我!!!!!!!
以下呢張相都係佢地行左埋去老師同小朋友0個度10秒影架咋!!!!!!!! 
總而言之，就係咁樣不停叫佢地"坐定"同"去老師度"0既情況下
我同小虎講到口乾同唒到人乾過左第一日喇-___-
DAY 2
經過我第一晚地獄式訓示野人返學要坐定定之後
哥哥DAY 2都算坐得好左，起碼唔係每一秒都要叫佢坐番低....... 
DIDI就好乖，除左坐定定之外，仲有配合到國語老師0既指令~~~~~WELL DONE!!!!!! 
後半堂，玩麵粉糰
由於我之前已經0係屋企同佢地玩過麵粉糰，所以可能因為咁，佢地都唔太陌生呢個感覺
但係老師明明係叫加D野落個麵粉糰，扮整緊塊PIZZA，加D材料上去
呢2隻野一開始就真係加D野上去 
但係加完之後，堅持要全部材料0係個PIZZA拎番唒出黎
搞到最後所有小朋友0既作品放0係一齊0既時候
得野人0個兩舊係乜都冇，得舊麵粉糰-____-
小虎仲要同個老師講『係呀，我2個仔食齋架........』+___+
DAY 3 (D相清晰返好多，因為我忍唔住帶左DC，我唔想最後野人D返學相張張都係朦!!!!!)
開始玩下其他野0既DIDI 
但係都不忘玩車0既~~~~ 
仲要日日都必玩呢架紅色車，真係專一........ 
哥哥都唔係咁鍾意玩車，見佢都係鍾意砌野多~~~~~~ 
同老師都開始有D互動~~~~ 
是日老師帶小朋友參觀全間學校
DIDI行行下講左句『好多野玩!!!!!!』哈哈~~~~~
是日坐定定指數 : 尚可 
其實對於"坐定定上堂"呢樣野，我不嬲都覺得唔適合男仔架!!!!!!!!!
男仔天生生理上就係需要不斷郁動!!!!!!!!!
要男仔坐定定，真係好慘呀~~~~~~
不過冇辦法啦，唔坐定定係會騷擾到其他小朋友嘛~~~~
所以都係坐定啦~~~~哈~~~~~~
DAY 4
玩彩虹傘
本來我想用一段片黎表達野人是日之開心指數
但係片始終會SHOW到其他小朋友樣，都唔係幾好.......
所以只可以POST一張玩彩虹傘0既相啦~~~~~ 
玩彩虹傘呢件事，又俾我見證到野人又大過左喇
因為我記得佢地初初0係PG玩彩虹傘係驚架!!!!!!!
而家都不知幾ENJOY!!!!!!!!!
是日坐定定指數 : 良好
可能已經慣慣地要坐定定^^
DAY 5
可能係最後一日"家長陪同日"，學校都要show off一下
所以是日都比較多活動
1) 做手工 - 相架~~~ 
2) 食茶點
哥哥好認真咁同神傾偈呀~~~good job!!!!!!!
都算聽話，做唒老師0既要求先開始食~~~~
3) 派校帽
都唔知係咪小朋友都係特別聽外人話
平時我買親d咩俾野人戴，佢地都no no no呀!!!!!!
今次呢頂校帽又異常地願意戴喎~~~~so amazing~~
仲要一路肯戴住俾宣教師影相tim呀!!!!!!!!!
呢張合照真係為呢個"家長陪同日"畫上完美0既句號呀~~~呀~~~呀~~~~
5日陪返學生涯咁就完結左喇~~~~
希望野人下星期、以至之後0既日子
都好似有爸爸媽媽陪0既日子，咁鍾意返學啦~~~~~
沒有留言:
張貼留言