上學期。完。

TIME FLIES <-------呢句野，野人出世後，講得多都厭 :P

不過又係事實喎~~~~野人咁就返左學一個學期

由最初每日上校車都唔知喊乜.........

到而家自己識"爬上"個位，再認屎認屁講 : 我有BYEBYE婆婆、BYEBYE姐姐

野人確實長大左好多.........(感動中......and其實有時野人都仲係唔知喊乜.......哈哈)

每個月，老師都會0係手冊上面寫幾句評語......
(即係之前話"野人人仔細細，但食量驚人"0個D呢!!!! -__-)


原來每個學期完結，家長都會收到一份"兒童學習進展紀錄"


用以紀錄小朋友0係唔同學習範疇上發展0既評估

範疇包括社交及情緒、語文、肢體能力、個人需要、自理、探索及智能.......

 

"學習紀錄"內容，3B MAMA覺得最特別 + 最搞笑係.......証實左GORGOR真係自戀0既!!!!!!!!哈哈哈哈~~~~

唔係得我同小虎咁覺得呀，老師都有咁寫~~~~~~~~
(前半段唔重要，最緊要睇我有highlight0個2句，哈哈!!!!!)

除左學習報告之外，仲有"家長日", WHICH IS傾下小朋友0係學校情況啦~~~~~

 

以前自己做學生，帶媽子返去家長日

從來都唔會緊張，因為我話唒都算係一個"品學兼優"0既學生~~~~HAHAHAHAHA

而家自己做左家長，仲要係野人0既家長........

真係會諗諗老師會同我講咩 (自己知自己個仔咩材料嘛 :P)

驚佢地0係學校搞事，搞到老師頭都痛唒就大件事喇!!!!!!!!!!!!!!!!!!!!

家長日聽到老師講0既野......我諗野人0係學校都係"玩野"多架喇

即係坐低聽聽下故事，會興奮到彈起身，仲要講埋D唔啦更0既"巴斯光年"

又例如人人0係OUTDOOR玩緊SIR滑梯、踩單車，野人2隻野就會0係間屋仔入面"乘涼"囉-___-

總之就唔係D大奸大惡野，但就足以令人煩死啦~~~~~~WAKAKAKAKA

所以真係好多謝 + 好佩服野人3位老師，有無限0既愛心 + 超高0既EQ + AQ~~~~~~

淨係家長日當日，老師由朝早8點幾講野講到下晝5點幾，都已經登佢地辛苦啦 :)

P.S. 突然覺得.........如果有興趣幫小朋友考入野人學校0既家長

可以多D黎睇下我個BLOG，參考下我呢D"用家"意見~~~~~嘻嘻~~~~~~