~ 成長 ~

LIFE MUST GO ON !

作為婆婆0既孫女、父母親0既女兒、我也是野人0既媽媽

縱然傷心感覺仍在，BLOG要繼續寫下去

為著野人成長0既紀錄，唔可以偷懶 !!

前排太多活動要記低，都冇乜寫野人成長0既印記..........

呢陣子0既野人，絕對可以用"口水佬"形容佢地

A ) 每事問到不得了!!!!!!!!!!!

每去一個地方，問一千次"呢度邊度???" (再自己答番-___-)

每做一件事，就問"做乜野???" (已經做緊，都仲要問 -___-")

每拎住一樣野，問"0係邊度買???"(其實有時0個樣野係同佢地一齊去買-____-"')

B) 軍令如山。個人主義橫行!!!!!!!!!!

要求身邊人 "一齊坐呢度!!!"

一唱歌 "快D企起身"

or 好激氣咁講 "GORGOR (or DiDi)，快D過黎!!!" <-----好平凡0既事，都要咁激氣，兩隻野都應該係燥底......

C) 口頭禪

GORGOR : 文法完全錯誤 -----> 唔做到、唔砌到、唔開到，總之乜都係個"唔"字行先.......

而且超級自戀 + 唯美主義 : 幫佢影完相，即刻講 "睇下佢"，即係"睇下佢自己"影成點.....@@

DIDI : 乜都加個"呀"字 ------> 好呀、痛呀、我好乖呀、我有剪頭髮呀、我有刷牙呀..........

仲有一個我同小虎拆解左幾個星期都唔明0既野人口頭禪

2個野人都成日講 "豬母壽司".....仲要講到好開心，死在連成日對住佢地0既玉豆姐都唔明...........

總之佢地一日活動時間如果有16個小時，佢地0既口部運動都應該有15小時!!!!!!!!!!!

另外，說話技巧方面都有樣野值得高興

終於都搞得清"你"同"我"0既Concept，証明進步左，唔係停留0係跟人講野0既階段~~~~~~

飲食方面，黑洞胃狀態仍然大勇

GORGOR呢陣子大愛"菠蘿叉燒包"，同佢飲茶，佢可以一個人K.O.3個!!!!!!!!!!!!!!!!!!

但2個野人仍然好長情，至愛都係PIZZA + POPCORN

大小肌肉發展

A) 用"匙羹"、"叉"進餐已沒有太大問題，現開始練習"筷子功"

B) 自從返學之後，用水杯0既能力大增，上星期順勢幫佢地介奶樽

點知一介奶樽，佢地0既奶癮都自己介埋......可能一向繼續食奶都只係為左個奶樽.....-__-

C) 去公園，基本上夠手長/腳長0既野都玩到唒，簡單D形容，就係有2隻馬騮周圍爬......:P

心理發展 。英雄主義

任何戲、任何卡通，都係鍾意最勁0個個角色，0個個未必一定係主角，例如........

TOY STORY -----> BUZZ LIGHT YEAR

CRAS 2 ------> FINN McMISSILE

總之邊個最無敵就最鍾意邊個.......

其實如果要寫唒野人0既野，我諗我日以繼夜、夜以繼日，寫幾個月都寫唔完

今次就講住咁多先，下次講下佢地0既自理能力 :)