萬壽菊。成長紀錄

臨近新年，屋企多"立立雜雜"野要做之餘

野人學校都好多......我稱之為係"濕濕碎碎"0既事

例如日日都要做0既"水果日記"、隔個星期要交0既"請讀給我聽"字咭 (遲D同大家分享係乜東東)

總之就係蝦我呢D好冇記性0既媽媽0既"濕濕碎碎"事啦

搞到我0既SCHEDULE都變左咁.....@@

今次要交0既"濕濕碎碎"野就係............萬壽菊!!!!!!!!!!!!

話說2012年11月，野人學校有個"一人一花"計劃

每個小朋友都會獲發一棵萬壽菊幼苗 (原來野人2個幾月前個樣咁唔同呀?!)

而我地(即係家長啦~~~)就要將棵植物養到好好睇睇

0係農曆年前，即係而家，將萬壽菊帶返學校選美

由老師選出種得最靚靚0既萬壽菊

除左棵菊之外，仲要交埋"成長紀錄"，用以同小朋友分享植物生長0既過程

咁即係代表我同小虎又要漏夜開工啦!!!!!!!!

有TWINS0既壞處黎喇.......每次一模一樣0既功課要交2份，做2次好悶丫嘛 :P

一齊黎回顧下呢對"二萬菊"0既生長過程啦~~~~~

棵小幼苗返到屋企，即時要將佢轉移去個大盆

DIDI好有興趣

自己親自操刀

GORGOR又嫌污穢，唔想掂......呢位少爺仔 =__=

記憶之中，佢地只係淋過呢次水，之後都好似係虎爸負責淋水，哈哈~~~

每隔一段時間就拎棵"二萬菊"出黎度下高

其實我本來想一星期度一次架!!!!!但好明顯又唔記得啦(又冇人提我!!!!)

最後變左一個月一次~~~~哈哈哈哈~~~~

DIDI0個棵，因為係拎返屋企0個時出左D意外，骨折了.........

其實我不嬲都唔鍾意種植物，一來冇耐性

二來好怕有"蚊滋"

但係睇住棵"二萬菊"，養養下出左個花LUM，都幾開心架~~~~

仲要個花LUM一直咁大!!!!!!!!!

加上睇見DIDI棵"二萬菊"，骨唒折都離奇地轉唒圈咁生，真係好神奇~~~~~
(我知有D朋友棵野已經仙遊左 :P)

將棵"二萬菊"交返學校前，叫DIDI同自己棵野合照

不過我估佢完全唔記得自己有棵咁0既野.......都係當第一次見面，NICE TO MEET U，哈哈

叫唔到GORGOR影合照，因為呢排日日放工返到屋企，6點幾佢都訓左.......返學有冇咁攰呀?!

我同虎爸漏夜趕工0既"二萬菊成長紀錄" YEAH!!!!!!!!!!!!!!

野人朝早一起身，見到自己有塊咁0既CARDBOARD，應該都唔知發生咩事~~~~哈哈