比較 – 奇怪の疑問

以下問題，我相信TWINS0既爸爸媽媽0係街都俾人問過千千萬萬次!!!!!

1)   係咪TWINS???

2)   邊個係哥哥/姐姐，邊個係弟弟/妹妹???

野人而家3歲，我就被問0左3年........

 

不過每次有人問相關問題，我都仍然好樂意解答:)

 

唯獨是解答之後帶黎0既疑問(仲要表現得好驚訝!!)，其實我就覺得可免則免......

 

"點解DIDI高過GORGOR???"

 

"好得意，調番轉，DIDI大隻過GORGOR0既?!?!?!"

有好幾次，我都想表達.......

1)   正常NON-TWINS0既兄弟/姐妹，細0個個都有可能高過/大隻過年紀大0個個啦

2)   正確黎講，野人係冇兄弟之分呀，只不過GORGOR俾醫生早拎出黎2分鐘0即!!!!!!佢唔係真係年長D架!!!!!!!!!!

 

我都明白野人一出生便是兩個人，比較係在所難免.....

 

我都會暗暗同虎爸比較兩隻野0既發展進度

 

但同一時間都會互相提醒比較之零意義 :P

 

其實對於好熟、JUST相識、甚至係平水相逢0既點頭之交

 

所有出自你地口中關於野人互相比較0既意見

 

細細聲講俾我聽就得架喇........:P

 

對於我自己黎講，無論描述0既對象係講緊野人OR我本人

 

其實都唔太介意，聽完就算

 

可能我由細到大都俾我家姐&媽子TRAIN UP左

 

記得細細個，我家姐成日都話我"白痴"

 

我又真係白痴到同我媽子投訴家姐話我白痴 (哈哈)

 

我媽子10次有10次都講 "人地話下你白痴，你就會白痴咩?!?!"

 

如是者，話完、嬲完、投訴完，再話完、嬲完、投訴完千千萬萬次之後

 

我對於呢D咁表面0既意見都冇擺0係心Lu~~~~哈哈~~~~~

 

其實俾人話下自己D負面野，我係絕對OK

 

因為我認為自信心除左0係正面0既鼓勵之下建立外

 

點樣應對外來0既批評都係其中一個方法

 

如果俾人話下都唔得，第日長大之後點面對其他人呀?!?!?!

 

不過今次我想講唔係批評，而係比較

 

作為野人媽媽，我就會諗......

 

佢地兩個經常聽到有人將佢地互相比較0既說話

 

會唔會有咩特別0既諗法呢?????

 

我自己唔係TWINS，我唔知道一出世隔離就有個比較對象0既感覺係點

 

以前野人細細個唔識聽，我都冇諗咁多......

 

而家佢地完全識聽，我就會諗呢個問題

 

事緣有一日，GORGOR同我講"媽咪，我而家食好多0野，唔做排骨(太瘦)"

 

從呢句說話，我知佢有將其他人0既說話放0係心........

 

其實從來就唔應該將D小朋友放埋一齊比較

 

無論係比較自己家裡0既小朋友 OR 自己0既同其他人0既小朋友.......都唔應該!!!!!!!!!

 

各人有各人0既獨特性，這就是神創造人的偉大之處:)