野人NURSERY生涯完滿結束
趁住FRESH MEMORY，幫佢地寫篇NURSERY總結BLOG
(過左呢個暑假，唔好話野人，我自己應該乜都唔記得!!!!!!!WAKAKAKA)
呢D成長紀錄BLOG非常重要
因為我寫BLOG0既其中一個重要原因就係要記錄野人0既成長經歷:)
寫BLOG前……我要回顧所有關於野人返學0既BLOGssssssssss!!!!!
因為我要PLAN下點寫…..咁先可以認認真真記低野人第一年0既學校(習)生涯
由一開始 ……..同佢地一齊上堂、跟蹤校巴、佢地喊唒口咁返學……
到一連串學校活動 : 聖誕的”童。來賀聖誕”、新年的”靈糧花市”、學校旅行、親子運動會……..
仲有0係學校經歷0既每一個節日: 父母親節、復活節、龍舟節……..
全部都好似唔係發生左好耐0既事:)
返學一年，意料之內係………野人成長好多
話唒係第一個”離開母體”，同”外人”一齊相處0既時間
過著一種”1/2靠自己”0既生活一定會令小朋友極速成長
而意料之外係…….因為返學……因為野人要同其他小朋友相處
竟然令佢地兩兄弟0既感情變得堅固，共過"患難"果然唔同D, 哈哈
記得開學分班，老師有問過我野人要唔要分開唔同班
當時我答 : “唔使啦，佢地兩個其實好似唔識對方咁呀…..”
(野人返學一個月後，老師都有0係電話同我印證過野人0係學校好似完全唔識對方0既情況，WAKAKAKAKA)
結果一年後……..
GORGOR口中0既最好朋友次次都係DIDI
DIDI口中0既最好朋友次次都係GORGOR:)
P.S. 仲有一樣0係學校進步左0既野…嘻嘻…就係….經過一年時間，佢地終於唔會搞亂，拎錯對方個小蜜蜂，哈哈
同上半學期完結一樣，學校都有家長日 + 兒童學習紀錄
總之，老師0係家長日0既評語同上次差唔多
都係野人0係學校唔會做D"大奸大惡"0野
但係!!!!!!有時就會自己無啦啦跳起OR無啦啦講D唔開事0既0野.......少少擾亂老師上堂@@
至於兒童學習紀錄
老師多次提及野人0既創意能力比較高
我絕對相信老師呢個評語，哈哈~~~~~~
因為野人兩個閒時0係屋企，好鍾意玩0既遊戲之一就係ROLE PLAY
有時偷聽到佢地0既對話真係好爆笑，簡直創意無限!!!!!!哈哈~~~~~~~~~~~~~
其實眾多進步當中，最重要係天父透過野人0係學校0既生活
一步步帶領我地建立一個充滿基督氣氛0既家庭
最明顯就係……GORGOR好多時都會提醒我地要飯前禱告 :)
渴望暑假後0既野人，仍然都係咁ENJOY學校生活!!!!!YEAH!!!!!!!!!!
沒有留言:
張貼留言