2012之末。激心屎我 .

2012最後一夜，放左工帶野人出街食飯開心下

凍冰冰，野人又冇乜訓晏覺

近近地0係TKO食~~~~~



激心0既事應該0係影埋GORGOR呢張相之後發生!!!!!!!!!!!!!!!!!

呢位大野人一入餐廳，就勁唔合作!!!!!

又唔坐、又"扇"落地、乜都唔0岩佢心意!!!!!!!!!!!!

講眼訓，DIDI應該仲眼訓過佢啦!!!!!!!!!

我已經再三問GORGOR :『係咪唔想0係度食???? 』

但佢又唔回應我喎!!!!!!!!!!

然後，我就開始警告:『你唔食，我就叫姐姐同你返屋企!!』

我呢個人不嬲都好講自由0既，如果你唔想出街OR唔想食飯

我絕對唔會勉強，但係要表達出黎嘛!!!!!!!!!!只係唔合作 + 扭黎扭去係冇用呀!!!!!!!

如果佢仲係BB，我會原諒!!

但係佢而家已經係一個識講野、識乜野係愛惡厭憎0既一個小朋友

我對於呢D不講理小孩，係"絕。不。姑。息"!!!!!!!!!!! (我都話我係嚴母啦!!)

即刻叫姐姐帶佢返屋企! ! !

DIDI都好掛住GORGOR架，問左我幾次"GORGOR去左邊??"

我話俾佢知"GORGOR唔合作，要罰佢返屋企!!"

DIDI全程都好合作吃飯~~~~~~

所以2012除夕晚飯就得番我地3個喇~~~~~~

見DIDI咁乖，食完飯，再獎勵佢買SUSHI食

返到屋企，佢都有請GORGOR食~~~~


而GORGOR見到我，亦有同我SAY SORRY

不過.........點講好呢........我並唔係介意小朋友有時食飯唔合作

因為佢地0既合作程度係受好多因素影響，例如精唔精神???係咪超肚餓????食飯對象係邊個???

今次問題係0係過程中.......我對哥哥有D束手無策0既感覺

哥哥係一個好執著、硬頸0既人，人仔細細已經好有自己一套

想佢完成一件事，氹唔得，鬧更加唔得!!!!!

而我自己係一個諗到好遠，遠到有時有D不切實際0既人 (嘻嘻)

見到哥哥而家咁，我會諗佢第日大個好多好多野.........

所以我好想好想好想從少就TUNE一TUNE佢0既思維

我想咁做並唔係因為我覺得有邊一套係0岩邊一套係錯

我相信冇一樣野係絕對0岩絕對錯

我只係希望佢0既思維冇咁偏埋一邊、冇咁執著，咁樣做人做事應該輕鬆D :)

就係因為要諗哥哥呢樣野，我就冇乜心神0係2012除夕完成埋D BLOG~~~~

冇所謂啦，2013再努力，橫掂我其中一個2013目標都係做一個勤奮0既BLOGGER~~~哈哈哈哈~~~~

HAPPY 2013 TO MY FAMILY N ALL MY DEAREST FRIENDS~~~~~