苦海明燈

近排有好幾個人不約而同講我知 : "野人呢排大個仔左好多......."

其實...我聽到呢個comment都係開心佔多:D

我並唔係嗰type.....成日好懷念仔女BB嗰時嘅媽媽......

所以我唔會為小朋友長大左，而冇左個BB樣，感到好好好可惜(我知有D媽咪真係咁諗呀!!!!)

我估唔懷念都有個原因.......就係....我都未黎得切反應

野人就已經大左........哈哈~~~~~~

好多人都湊過小朋友，但就唔係好多人湊過twins

而且亦都唔係好多"新手媽媽"就要湊twins

嗰種"乸手唔成世"嘅感覺，應該都要親身試過先知!!!!!!

加上我全部最好嘅朋友都未生BB, 真係想搵個人問下都冇-___-

所以我決定喺呢度引入 -----> 苦海明燈系列, 用黎分享我嘅育兒秘史

(話哂都有2年幾湊2個經驗~~哈哈)

希望可以幫到D咁啱喺度路過而又好似我想當年一樣咁無知嘅準媽媽:P

成為佢地苦海嘅一盞明燈，Wakakaka!!!!!

可能你地會覺得我分享嘅野好無聊、兼且覺得"有冇可能呢D野都唔知呀?!"

但係我想講........想當年嘅我真係無知到小朋友衫60，70，80係乜東東都唔知呀!!!!!

既然我係朋友堆中既小朋友野購物達人 XD，就由購物開始分享啦~~~~~

小朋友衫普遍都以60，70，80，90，100碼咁以高度分size

即係60cm高就著60碼，70cm高就著70碼

細過60碼0既衫都會有，不過細粒到野人咁嘅款都唔會著到50

所以都唔使講解咁細嘅Size

坊間好多大品牌都會有SIZE 95

呢個碼對於一般生長得好快0既小朋友，其實就冇乜價值

但係對於我家野人就好重要喇

因為佢地屬於手短腳短型，啱80cm高，個身啱，隻袖就會長得滯

我已經係鍾意買just fit衫0既媽媽，但係放0係野人身上，隻袖仍然係長得好樣衰!!!!!!!!!!!!

即係要摺唒袖咁囉-___-SEE?????

所以95碼0既存在，係可以令到野人冇咁樣衰~~~~哈哈哈哈~~~~~~

如果我有錢，兼且識畫圖，一定會創立一個品牌

品牌名，我都諗好喇------>IRREGULAR

專賣D身型唔多啱比例嘅衫!!!!!!!

如果有人知呢個世界已經存在一個咁0既KIDS' WEAR品牌，希望可以同我分享

OR我絕對唔介意有人睇到呢個blog之後，用左我呢個idea，真係搞一個咁0既品牌

到時我就可以買到D真係JUST FIT0既衫俾野人喇~~~~~YEAH!!!!!!!!